नगर पुणे महामार्गावर शेतकऱ्यांचे रास्ता रोको आंदोलन

by HRS News Marathi


नगर:- तालुक्यातील नगर पुणे महामार्गावर कामरगाव सह पिंपळगाव, भोरवाडी येथील शेतकरी व ग्रामस्थांनी विविध प्रश्नांसाठी दि. ३१ मार्च रोजी सकाळी १० च्या दरम्यान रास्ता रोको आंदोलन केले.

            याबाबत सविस्तर माहिती अशी कि नगर तालुक्यातील कामरगाव , पिंपळगाव कौडा, भोरवाडी येथील शेतकरी व ग्रामस्थांनी प्रशासनाकडे विविध प्रश्नांचा पाठपुरावा करून देखील कारवाई होत नसल्याच्या निषेर्धात व शेतकऱ्यांना येणाऱ्या  विविध समस्या प्रशासनाच्या निदर्शनास आणून देऊन कारवाई करण्यासाठी नगर पुणे महामार्गावर आंदोलन केले. सदर आंदोलनाची पूर्वसूचना देखील प्रशासनाला देण्यात आली होती. असे समजते.

           कामरगाव, पिंपळगाव कौडा, भोरवाडी येथील शेतकऱ्यांचे अतिवृष्टीचे पंचनामे प्रशासनाने केले परंतु शेतकऱ्यांना नुकसान भरपाई अदयापर्यंत भेटली नाही. त्याकरिता महसूल विभाग टोल टोलवीची भूमिका न करता शेतकऱ्यांना सहकार्य करावे व मदत मिळण्यासाठी अधिकाऱ्यांनी शासन दरबारी पाठपुरावा करावा अशी मागणी यावेळी आंदोलकांकडून मांडण्यात आली. तसेच वीज प्रश्नी वारंवार खंडीत होणाऱ्या वीजपुरवठया मुळे गावामधे वीज कर्मचारी गावपातळीवर राहण्यास असावा. तसेच विजेसंबंधी  इतर समस्या मांडण्यात आल्या. मागील काही दिवसांपासून विहिरींमधून शेतकऱ्यांच्या मोटार चोऱ्या संबंधी पोलीस प्रशासनाने कारवाई करावी. व शेतकरी व ग्रामस्थांना न्याय दयावा ही मागणी पोलीस प्रशासनाकडे करण्यात आली.

        यावेळी प्रशासनातर्फे महसूल विभागाकडून मंडलाधिकारी टेमक      मॅडम व तलाठी हर्षद करपे हे उपस्थित होते. तर महावितरणकडून कार्यकारी अभियंता  श्री ढाकणे व वीज कर्मचारी श्री. गायकवाड हे उपस्थित होते. तसेच पोलीस प्रशासनातर्फे नगर तालुका पोलीस स्टेशनचे सहाय्यक पोलीस निरीक्षक शिशिरकुमार शिंदे हे मोठया पोलीस फौज फाट्यासह उपस्थित होते.

        या रास्ता रोको आंदोलनात कामरगावचे सरपंच तुकाराम कातोरे, मा. सरपंच वसंतराव ठोकळ, आजी माजी सैनिक संघटनेचे प्रकाश ठोकळ, मा. उपसरपंच अनिल आंधळे, पिंपळगाव कौडाचे बाळासाहेब शिंदे, भोरवाडीचे योगेश पानसरे , ग्रा.पं. सदस्य संदिप ढवळे, ग्रा.पं. सदस्य हाबू शिंदे, दादा झरेकर, सिद्धार्थ आंधळे, शिवा सोनवणे, प्रशांत साठे  इ.सह.मोठया प्रमाणात शेतकरी व ग्रामस्थ उपस्थित होते. यावेळी आंदोलनाच्या शेवटी प्रशासना कडून आलेल्या विविध विभागाच्या अधिकाऱ्यांना मागण्यांचे लेखी निवेदन देऊन आंदोलन समाप्त करण्यात  आले.

टिप्पण्या

टिप्पणी पोस्ट करा

फॉलोअर

या ब्लॉगवरील लोकप्रिय पोस्ट

सुपा गावच्या सरपंच मनिषा योगेश रोकडे आदर्श सरपंच पुरस्काराने सन्मानित !

by HRS News Marathi
इमेज
  नगर (हेमंत साठे):- पारनेर तालुक्यातील सुपा गावच्या विकासासाठी उल्लेखनिय कार्य केल्याबद्दल सरपंच मनिषा रोकडे यांना आदर्श सरपंच पुरस्काराने सन्मानित करण्यात आले आहे.       याबाबत अधिक माहिती अशी की, स्वराज्य सरपंच सेवा संघ महाराष्ट्र राज्य  यांच्यातर्फे राज्यस्तरीय विविध क्षेत्रात उत्कृष्ट कार्य करणाऱ्या व्यक्तिंना पुरस्कार देऊन सन्मानित करण्यात आले. सदर पुरस्कार सोहळा रविवार दिनांक ११ फेब्रुवारी २०२४ रोजी माऊली सभागृह, सावेडी अहमदनगर या ठिकाणी संपन्न झाला. स्वराज्य सरपंच सेवा संघ यांच्याकडून देण्यात येणारा आदर्श सरपंच पुरस्कार सुपा गावच्या सर्वांगीण विकासात मोलाची भुमिका बजावत अग्रेसर राहणाऱ्या सरपंच मनिषा योगेश रोकडे यांना देऊन सन्मानित करण्यात आले आहे. आदर्श गाव हिवरे बाजारचे सरपंच पद्मश्री पोपटराव पवार, मा. खासदार भाऊसाहेब वाकचौरे, समाजसेवक यादवराव पावसे यांच्या हस्ते हा पुरस्कार प्रदान करण्यात आला.      यावेळी सोमनाथ रोकडे, जाधव  स्मिता , वर्षा घुले,राणी रोकडे,सविता ठोकळ,सुमन रोकडे, क्षितीजा रोकडे, यांच्यासह जिल्ह्यातील मान्यवर मोठ्या संख्येने उपस्थित होते.          सुपा गावच्या स
अधिक वाचा

सेवानिवृत्त अंगणवाडी सेविकेचा कौतुकास्पद उपक्रम ! ; कामरगाव जिल्हा परिषद शाळा व अंगणवाडीला शैक्षणिक साहित्य व खाऊ वाटप.

by HRS News Marathi
इमेज
     नगर (प्रतिनिधी):- तालुक्यातील मौजे कामरगाव येथील सेवानिवृत्त अंगणवाडी सेविका पुष्पाताई सोनवणे यांनी शालेय विदयार्थ्याना शिक्षणाविषयी गोडी निर्माण व्हावी याकरिता शैक्षणिक साहित्य वाटप व खाऊ वाटपाचा कौतुकास्पद उपक्रम राबविला.         याबाबत सविस्तर माहिती अशी की, कामरगाव येथील बालवाडी मधे 11 वर्ष व अंगणवाडीमधे 22 वर्ष सेवा केल्यानंतर सेवानिवृत्ती घेतलेल्या सेवानिवृत्त अंगणवाडी सेविका पुष्पाताई सोनवणे यांनी जिल्हा परिषद प्राथमिक शाळेच्या तसेच अंगणवाडीच्या विद्यार्थ्याना शिक्षणाविषयी गोडी निर्माण व्हावी. याकरिता दि 16 ऑगष्ट रोजी विदयार्थ्याना शैक्षणिक साहित्य व खाऊ वाटप केले.        मिळालेल्या माहितीनुसार, पुष्पाताई सोनवणे मागील 4 वर्षांपासून कै.रामचंद्र सोनवणे व मालनबाई सोनवणे या त्यांच्या आई-वडिलांच्या स्मरणार्थ हा उपक्रम कुठलाही गाजावाजा न करता तसेच कुठलाही प्रसिद्धी सोस न बाळगता  यशस्वीपणे राबवत आहेत.           कामरगाव जिल्हा परिषद शाळेतील विदयार्थ्याना शैक्षणिक साहित्य व खाऊ वाटप या छोटेखानी कार्यक्रम प्रसंगी पुष्पाताई सोनवणे यांच्या हस्ते शैक्षणिक साहित्य वितरण करण्यात आले. त्या
अधिक वाचा

महाविकास आघाडीला पारनेर मधे मोठा धक्का ! माजी.आमदार विजय औटींनी केली भूमिका जाहिर !

by HRS News Marathi
इमेज
नगर (प्रतिनिधी):- पारनेर नगर मतदार संघाचे माजी.आमदार व शिवसेनेचे उबाठा गटाचे नेते विजय औटी यांनी मंगळवारी  तालुक्यातील निवडक शिवसेना पदाधिकार्‍यांची बैठक घेत लोकसभा निवडणुकीबाबत कार्यकर्त्यांची भूमिका समजावून घेतली. सर्व कार्यकर्त्यांची मते जाणून घेतल्यानंतर  महाराष्ट्र दिनाचे औचित्य साधत  १ मे रोजी पारनेरमध्ये काय भूमिका घ्यायची याबाबत घोषणा करु असे विजय औटी यांनी जाहीर केले होते. त्यानुसार माजी आमदार विजय औटी यांनी आपली भूमिका स्पष्टपणे जाहिर केली आहे. नगर दक्षिण लोकसभा निवडणुकीच्या अनुषंगाने पारनेर शिवसेनेकडून कोणतीच भूमिका स्पष्टपणे घेतली गेली नसल्याचे चित्र होते.  आपण आपली भूमिका जाहीर केली पाहिजे अशी मागणी कार्यकर्ते, पदाधिकार्‍यांकडून करण्यात आल्यानंतर औटी यांनी मंगळवारी निवडक पदाधिकार्‍यांची बैठक घेतली होती. लोकसभा निवडणुकीच्या पार्श्वभूमीवर सर्व पदाधिकारी व कार्यकर्त्यांची भूमिका जाणून घेत मा. आमदार विजय औटी यांनी अंतिम निर्णय आपण दि. १ मे रोजी जाहीर करू आणि हाच आपण सर्वांचा निर्णय असेल असेही त्यांनी स्पष्ट केले होते. औटी यांची भूमिका नगर लोकसभा निवडणुकीत निर्णायक ठरणार असल्या
अधिक वाचा