काहीही करा, पण लग्नासाठी मुलगी द्या... वधुवर मेळाव्यात अनेक तरुणांची आर्त हाक !

 

अहमदनगर प्रतिनिधी -

  काहीही करा पण आम्हाला संसारासाठी मुलगी द्या, असे उद्गार अनेक विवाह इच्छुक उमेदवारांनी नगर मधील वधु वर मेळाव्यात काढले. मराठी सोयरीक संस्थेचा  67 वा मोफत वधु वर मेळावा नगर शहरात वृंदावन लॉन येथे पार पडला. या मेळाव्यासाठी जगदंब फाउंडेशनचे अध्यक्ष गणेश लंघे, मा.नगरसेवक दत्तात्रय सप्रे, अ. नगर जि. प्रा. शि. बँकेचे माजी चेअरमन राजेंद्रजी ठाणगे, मराठी सोयरीक संस्थेचे संस्थापक अशोक कुटे, प्राध्यापक संभाजीराव भोसले, अ.नगर जिल्हा कृषी कर्मचारी पतसंस्थेच्या संचालिका जयश्री कुटे, नगर भारतीय कामगार युनिटचे अध्यक्ष मधुकर निकम हे प्रमुख मान्यवर उपस्थित होते. या मेळाव्यामध्ये अनेक तरुणांना लग्नासाठी मुली मिळत नसल्याने अनेक जणांनी वरील प्रमाणे खंत व्यक्त केली. सध्या सर्व समाजामध्ये बीए पेक्षा कमी शिकलेल्या मुलांना व शेतकरी मुलांना अजिबात मुली मिळत नाही. या गंभीर प्रश्नाकडे फारसं कुणी लक्ष देत नाही भविष्यात हा विषय उग्र स्वरूप धारण करणार आहे, असे मत संस्थेच्या संचालिका जयश्री कुटे यांनी व्यक्त केले.

        सर्व जातीयांचा मोफत हा वधू वर मेळावा होता. या मेळावा मध्ये एकूण 101 नाव नोंदणी पैकी 76 मुले व 25 मुलींची नाव नोंदणी झाली. मराठी सोयरीक संस्थेने सध्या विविध जिल्ह्यात मोफत वधू वर मेळाव्याचे आयोजन करण्यात आलेले आहे. यापुढील मेळावा रविवार दिनांक 30 एप्रिल 2023 रोजी पुणे जिल्ह्यातील चंदन नगर या ठिकाणी होणार आहे. त्यानंतरचा मेळावा नाशिक जिल्ह्यातील सिन्नर या ठिकाणी होणार आहे. इच्छुकांनी 70 20 28 12 82 या नंबर वर संपर्क जरूर करावा. असे आवाहन जगदंब फाउंडेशन च्या वतीने करण्यात आलेले आहे. अशोक कुटे यांनी वाढदिवसानिमित्त 2 मनो विकलांग आश्रमात, वंचित घटकांना मदत केल्याबद्दल व सामाजिक कार्याबद्दल माजी नगरसेवक दत्तात्रय सप्रे यांच्या वतीने कुटे यांचा विशेष सन्मान करण्यात आला. हा मेळावा यशस्वी करण्यासाठी हरिदास जगताप, नानासाहेब दानवे, भाऊसाहेब नगरे, अनिता कोतकर, अनिल अकोलकर, प्रा योगेश कोतकर, संचालिका अंजना पठारे, सामाजिक कार्यकर्ते जयवंत मोटे, संतोष कानडे इत्यादींनी विशेष परिश्रम घेतले.

(मराठी सोयरीक संस्थेच्या मोफत वधू वर मेळाव्यात उपस्थित मान्यवरांमध्ये गणेश लंघे, राजेंद्र ठाणगे, अशोक कुटे, मधुकर निकम, प्रा.संभाजी भोसले, जयश्री कुटे, अनिता कोतकर, शांता सूर्यवंशी, भाऊसाहेब नगरे इ.मान्यवर.)

📲 *बातमी व जाहिरातीसाठी संपर्क:-7057791882*