सुप्यात आढळला अनोळखी व्यक्तीचा मृतदेह ! पोलीस निरीक्षक ज्योती गडकरी यांच्या मार्गदर्शनाखाली तपास सुरु !

 

पारनेर ( प्रतिनिधी):- नगर पुणे महामार्गालगत असणाऱ्या सुपा गावातील संगमेश्वर मंदिराजवळील ओढयात अनोळखी इसमाचा मृतदेह आढळल्याने परिसरात एकच खळबळ उडाली आहे.

         समजलेल्या माहितीनुसार, नगर पुणे महामार्गालगत असलेल्या सुपा गावातील संगमेश्वर मंदिराजवळील ओढ्यामधे एक अनोळखी इसमाचा मृतदेह आढळला आहे. या घटनेची माहिती समजताच परिसरातील नागरीक व ग्रामस्थांनी मोठया प्रमाणात गर्दी केली होती. मृतदेहाच्या अंगावर काळा शर्ट पँट असून , वय अंदाजे 34 वर्ष असावे . समजलेल्या माहिती नुसार सदर व्यक्तीचा मृतदेह अंदाजे सात ते आठ दिवसापासून तिथे असल्यामुळे  कुजलेल्या अवस्थेत आढळून आलेला आहे. सदर मृतदेहाची ओळख अजून पटलेली नाही..          

          सदर घटनेची माहिती सुप्याचे उदयोजक योगेश शेठ रोकडे यांनी दूरध्वनी द्वारे पोलीसांना कळवली.  सुपा पोलीसांना घटनेची माहिती मिळताच पोलीस उपअधीक्षक अनिल कातकडे , पोलीस निरीक्षक ज्योती गडकरी हे पोलीस फौजफाट्यासह तात्काळ घटनास्थळी हजर झाले. नगर पुणे  महामार्गालगत हाकेच्या अंतरावर ओढयात  आढळलेल्या अनोळखी  व्यक्तीच्या मृतदेहा मुळे परिसरात खळबळ उडाली असून.  खून किंवा घातपाताचा  संशय  परिसरातून व्यक्त केला जात आहे. 

           सदर घटनेचा पुढील तपास सुपा पोलीस स्टेशनच्या पोलीस निरीक्षक ज्योती गडकरी यांच्या मार्गदर्शनाखाली पी.एस.आय.पवार  करत आहेत.

{सुपा व सुपा पंचक्रोशीतील लोकांना कळवण्यात येते की एक बेवारस मृतदेह संगमेश्वर मंदीरा समोरील ओढयामधे  आढळून आला आहे तरी कोनाला काही शंका असेल तर सुपा पोलीस स्टेशनशी संपर्क साधावा असे आवाहन सरपंच तथा उदयोजक योगेश रोकडे यांनी नागरीकांना केले आहे.}

📲 *बातमी व जाहिरातीसाठी संपर्क:- 7057791882