कामरगाव विविध कार्यकारी सहकारी सोसायटी कडून नगर कृषी उत्पन्न बाजार समितीचे सभापती व उपसभापतीं सोबत दहावीच्या गुणवंतांचा सत्कार !

नगर (प्रतिनिधी):- तालुक्यातील कामरगाव येथील विविध कार्यकारी सहकारी सोसायटी व ग्रामपंचायत सदस्य लक्ष्मणराव ठोकळ मित्रपरिवार यांच्याकडून दि.४ जून रोजी नगर कृषी उत्पन्न बाजार समितीचे नुतन सभापती व उपसभापतीं सोबत कामरगाव मधील दहावीच्या गुणवंत विदयार्थ्यांचा सत्कार सोहळा आयोजित करण्यात आला होता.

          याबाबत सविस्तर माहिती अशी की, नगर कृषी उत्पन्न बाजार समितीचे सभापती भाऊसाहेब बोठे, उपसभापती रभाजी सूळ यांचा सत्कार सोहळा कामरगाव विविध कार्यकारी सहकारी सोसायटी व लक्ष्मणराव ठोकळ मित्रपरिवार यांच्या कडून हनुमान मंदिर सभा मंडप कातोरेवाडी याठिकाणी आयोजित करण्यात आला होता. याप्रसंगी  नुतन सभापती व उप सभापती यांची नगर पुणे महामार्गापासून ते कार्यक्रम स्थळापर्यंत स्वागत मिरवणूक काढण्यात आली.

 त्यानंतर सभापती भाऊसाहेब बोठे व उपसभापती रभाजी सुळ यांचा शाल, श्रीफळ , मानाचा फेटा बांधून सत्कार करण्यात आला.  यावेळी नगर कृषी उत्पन्न बाजार समितीचे संचालक राजेंद्र आंबेकर, संचालक भोर गुरुजी, अकोळनेरचे युवा सरपंच प्रतिक शेळके, उपसरपंच श्री गायकवाड यांची प्रमुख उपस्थिती होती. सर्व मान्यवरांचा यावेळी सत्कार करण्यात आला. कार्यक्रम प्रसंगी मा.सरपंच अशोकराव ठोकळ , मा.सरपंच वसंतराव ठोकळ, विदयमान सरपंच तुकाराम कातोरे, आजी माजी सैनिक संघटनेचे अध्यक्ष प्रकाश ठोकळ यांनी यावेळी आपले मनोगत व्यक्त केले. यावेळी मान्यवरांनी नुतन सभापती व उपसभापतींसमोर शेतकरी अनुदान, कांदा चाळ व इतर शेतकरी प्रश्नासंबंधी लक्ष घालण्याची मागणी केली.

          कामरगाव विविध कार्यकारी सेवा सोसायटी व विदयमान ग्रामपंचायत सदस्य लक्ष्मणराव ठोकळ मित्रपरिवार यांच्या कडून आयोजित या  सत्कार समारंभ कार्यक्रमा मधे कृषी उत्पन्न बाजार समितीचे सभापती भाऊसाहेब बोठे व उपसभापती रभाजी सूळ यांच्या हस्ते कामरगाव इंग्लिश स्कूल कामरगाव शाळेतील  दहावीच्या गुणवंत विदयार्थ्यांचा सत्कार करण्यात आला . या कार्यक्रम प्रसंगी मोठया प्रमाणात ग्रामस्थांची उपस्थिती होती. 

        कार्यक्रमाच्या अध्यक्षपदी गोरख मामा साठे हे होते. तर कार्यक्रमाचे सूत्रसंचालन मा.मुख्याध्यापक सुदाम ठोकळ यांनी केले. 

        या कार्यक्रमासाठी विदयमान ग्रामपंचायत सदस्य लक्ष्मणराव  ठोकळ,   व्हा. चेअरमन राजेद्र आंधळे संचालक प्रा. डॉ . अशोक ठोकळ , सुनिल चौधरी गोरख ठोकळ, राजेंद्र राजगुरू, शिवाजी साठे, विष्णू कातोरे,  विजय साठे, रमेश साठे,  रावसाहेब आंधळे, मा.उपसरपंच अनिल आंधळे , युवा उदयोजक मनोज ठोकळ, युवा नेते संदिप लष्करे, बबन भुजबळ, भाऊसाहेब दळवी, गुलाब कातोरे गुरुजी ,आलीम शेख ,अतुल ठोकळ यांचे मार्गदर्शन व सहकार्य लाभले.

📲 *बातमी व जाहिरातीसाठी संपर्क:- 7057791882*