नगर एम.आय.डी.सी परीसरात तरुणाचा खुन करणा-या सराईत आरोपींना २४ तासात केले अटक !; स.पो.नि.राजेंद्र सानप व टीमची धडाकेबाज कामगीरी !

नगर (प्रतिनिधी):- नगर एमआयडीसी परीसरात तरुणाचा खुन करणा-या सराईत आरोपींना नगर MIDC पोलीस स्टेशनचे सहाय्यक पोलीस निरीक्षक राजेंद्र सानप व टीमने आरोपींना २४ तासात अटक केली आहे.

         याबाबत सविस्तर माहिती अशी की ,दिनांक १५ जानेवारी २०२४ रोजी फिर्यादी अनिकेत अशोक सोनवणे वय २४ वर्ष रा. फोजिंग कॉलनी शेंडी बायपास रोड वडगाव गुप्ता शिवार अहमदनगर यांनी फिर्याद दिली की, दिनांक १५ जानेवारी २०२४ रोजी सायंकाळी ०७ वाजेचे दरम्यान माझा भाऊ शुभम सोनवणे यास बंटी उर्फ किरण प्रकाश पाटोळे व त्याचा भाऊ रोहीत प्रकाश पाटोळे यांनी शिवीगाळ केल्याचा राग मनात धरुन हातातील धारधार शस्त्राने शुभम याचे छातीत पोटात वार करुन त्यास जिवंत ठार मारले आहे. वैगरे मचकुराचे फिर्यादीवरुन एमआयडीसी पोस्टे गु रजि नंबर ३९/२०२४ भादवि कलम ३०२,५०४,३४ प्रमाणे गुन्हा दाखल करण्यात आला आहे.

        सदर गुन्हयाचा समांतर तपास करत असतांना स.पो.नि राजेंद्र सानप यांना गोपनिय माहिती मिळाली की, सदर गुन्हयातील आरोपी नामे १) बंटी उर्फ किरण प्रकाश पाटोळे २) रोहीत प्रकाश पाटोळे हे सदरचा गुन्हा करुन राहुरी कडे पळुन गेले आहेत. त्यावरुन एम.आय.डी.सी पोलीस स्टेशनचे पथक तयार करुन सदर आरोपींना राहुरी येथे सापळा लावुन पकडले त्यांना त्यांची नाव गाव विचारले असता त्यांनी त्यांची नावे १) बंटी उर्फ किरण प्रकाश पाटोळे वय-२२ वर्ष रा.दत्तनगर वडगाव गुप्ता ता जि अहमदनगर २) रोहीत प्रकाश पाटोळे वय-२१ वर्ष रा. रा.दत्तनगर वडगाव गुप्ता ता.जि अहमदनगर अशी सांगीतले. त्यांना सदर गुन्हयाबाबत विचारणा केली असता त्यांनी सदरचा गुन्हा केल्याची कबुली दिली आहे. त्यांनी सांगीतले की आम्हास मयत शुभम अशोक सोनवणे यांने शिवीगाळ केली होती त्याचा मनात राग धरुन आम्ही त्यास जिवंत ठार मारले आहे.

याबाबत आरोपी बंटी उर्फ किरण प्रकाश पाटोळे याचेविरुदध खालीलप्रमाणे गुन्हे दाखल आहेत. एमआयडीसी अहमदनगर पोस्टे गु रजि नंबर ३९/२०२४ भादवि कलम ३०२ प्रमाणे. तोफखाना पोस्टे गु रजि नंबर ४८५/२०२२ भादवि कलम ३२४,३३७,५०४,५०६ प्रमाणे.

सदरची कारवाई मा.श्री राकेश ओला.पोलीस अधीक्षक अहमदनगर, श्री. प्रशांत खैरे, अप्पर पोलीस अधीक्षक अहमदनगर, संपतराव भोसले उपविभागीय पोलीस अधिकारी. नगर ग्रामीण विभाग अहमदनगर यांचे मार्गदर्शनाखाली स.पो.नि राजेंद्र सानप,   पोसई दिपक पाठक, पोहेकॉ पोहेकॉ नंदकुमार सांगळे, पोहेकों नितीन उगलमुगले, पोहेकॉ साबीर शेख, पोहेकॉ चव्हाण पोहेकॉ/राजु सुद्रिक, पोना महेश बोरुडे, पोकों किशोर जाधव, पोशि नवनाथ दहिफळे, पोकों सचिन हरदास, पोकॉ/शेरकर पोकॉ राठोड तसेच मोबाईल सेल अहमदनगरचे पोकॉ राहुल गुंडु यांचे पथकाने केली आहे.