सेवानिवृत्त अंगणवाडी सेविका पुष्पाताई सोनवणे यांचा कौतुकास्पद उपक्रम. सामाजिक बांधिलकी जपत कामरगाव जिल्हा परिषद शाळेतील विद्यार्थ्यांना शैक्षणिक साहित्य वाटप.

अहिल्यानगर(प्रतिनिधी) : तालुक्यातील कामरगाव येथील सेवानिवृत्त ज्येष्ठ अंगणवाडी सेविका पुष्पाताई सोनवणे यांनी दरवर्षीप्रमाणे यंदाही आपल्या आई-वडिलांच्या स्मरणार्थ जिल्हा परिषद शाळेतील विद्यार्थ्यांना शैक्षणिक साहित्याचे वाटप करून सामाजिक बांधिलकी जपली.

ADV

विद्यार्थ्यांना शिक्षणासाठी आवश्यक असलेले शैक्षणिक साहित्य उपलब्ध व्हावे, त्यांना शिक्षणाची गोडी लागावी आणि आर्थिक अडचणींमुळे विद्यार्थ्यांच्या शिक्षणात अडथळा निर्माण होऊ नये, या उद्देशाने हा उपक्रम राबविण्यात आला. पुष्पाताई सोनवणे यांच्या या उपक्रमातून ‘शिक्षण हीच खरी सेवा’ हा संदेश अधोरेखित झाला.

सेवानिवृत्तीनंतरही विद्यार्थ्यांच्या शैक्षणिक गरजांची जाणीव ठेवून दरवर्षी आई-वडिलांच्या स्मरणार्थ शैक्षणिक साहित्य वाटप करण्याची त्यांची परंपरा कौतुकास्पद आहे. या उपक्रमामुळे विद्यार्थ्यांमध्ये आनंदाचे वातावरण निर्माण झाले.

या वेळी शिक्षिका सविता तवले व बेबीसरोजा ढेले, बबीता आंधळे, शीला गुगळे, शशिकला भुजबळ, पदमा सांगळे, मीना आभाने, नंदा चौरे, रंजना चौधरी, युवा नेते शिवा सोनवणे व पत्रकार हेमंत साठे यांच्यासह शाळेतील विद्यार्थी, शिक्षक, अंगणवाडी सेविका व ग्रामस्थ उपस्थित होते. पुष्पाताई सोनवणे यांच्या या सामाजिक व शैक्षणिक उपक्रमाचे पालक व ग्रामस्थांनी कौतुक केले.

*********************************📲 *बातमी व जाहिरातीसाठी संपर्क:-7057791882*

नवीन बातम्यांचे अपडेटस् मिळवण्यासाठी न्यूज पोर्टलला  Follow करा... तसेच आपल्या यु-ट्युब चॅनलला खालील लिंकद्वारे जास्तीत जास्त शेअर, SUBSCRIBE करा...👇🏻

https://youtube.com/@hrsnewsmarathi-oe9rw?si=rvBiz0GPglP7BEAv