मोबाईल चोर एम.आय.डी.सी पोलीसांनी केला जेरबंद. ; स.पो.नि. राजेंद्र सानप यांच्या पथकाची कारवाई !

 

नगर ( प्रतिनिधी) :- नगर एम.आय.डी.सी. येथील मोबाईल चोरी करणारा चोरटा एम.आय.डी.सी. पोलीसांनी जेरबंद केला असून . या मोबाईल चोराकडून ८५,०००/- रु किमतीचे चार मोबाईल जप्त करण्यात आले आहेत.

याबाबत सविस्तर माहिती अशी की, दिनांक २८/०५/२०२३ रोजी १० ११ वा चे सुमारास फिर्यादी नामे अभिषेक सतिष झुगे, वय १७ वर्षे रा. पढेगाव ता. श्रीरामपुर जि. अहमदनगर ह. रा. शिवाजीनगर, नवनागापुर ता. जि. अहमदनगर यांनी फिर्याद दिली की दि. २७/०५/२०२३ रोजी रात्री फिर्यादी व त्यांचे मित्र हे त्यांचे घराचे टेरेसवर झोपलेले असतांना उशाशी ठेवलेले ६५,०००/- रु किमतीचे दोन मोबाईल रात्री ०१.०० वा ते ०४.०० वा चे सुमारास अज्ञात चोरटयाने चोरुन नेले आहे. त्याबाबत एमआयडीसी पोलीस स्टेशनला गुरनं. ४७२/ २०२३ भादंवि कलम ३७९ प्रमाणे गुन्हा दाखल आहे. सदर गुन्हयाचा तपास करत असतांना सपोनि राजेंद्र सानप यांना गोपनीय माहिती मिळाली की, सदरचा गुन्हा हा आरोपी नामे बाळु शंकर काळे, वय १८ वर्षे २ महिने रा. चेतना कॉलनी, खंडोबा मंदिराचे पाठीमागे,ता. जि. अहमदनगर याने केला आहे अशी माहिती मिळाल्याने सदर आरोपींना पकडणेकरीता एमआयडीसी पोलीसस्टेशनचे पथक तयार करण्यात आले. सदर  मोबाईल चोरी करणारा आरोपीस ताब्यात घेऊन त्यांचेकडे विचारपुस करता त्याने सदरचा गुन्हा केल्याचे कबुल केले आहे. आरोपी नामे बाळु शंकर काळे, वय १८ वर्षे २ महिने रा. चेतना कॉलनी,खंडोबा मंदिराचे पाठीमागे, ता. जि. अहमदनगर यांना सदर गुन्हयात अटक करण्यात आली असुन त्यांचेकडुन ८५,०००/- रु किमतीचे चार मोबाईल जप्त करण्यात आलेले आहे.

       सदरची कामगिरी श्री. राकेश ओला सो. पोलीस अधीक्षक अहमदनगर, श्री. प्रशांत खैरे सो. अपर पोलीस अधीक्षक अहमदनगर श्री. संपतराव भोसले सो. उपविभागीय पोलीस अधिकारी नगर ग्रामीण विभाग अहमदनगर यांचे मार्गदर्शनाखाली सपोनि श्री. राजेंद्र सानप सो. प्रभारी अधिकारी एमआयडीसी पोस्टे, पोसई राजेंद्र गायकवाड, पोसई चांगदेव हंडाळ, पांना मच्छिंद्र पांढरकर, पोना चांगदेव आंधळे, पोना संदिप आव्हाड, पोकी सचिन हरदास यांचे पथकाने केलेली आहे