स.पो.नि.शिशिरकुमार देशमुख यांना सामाजिक कार्याबद्दल धर्मवीर संभाजी महाराज व पुण्यश्लोक अहिल्यादेवी होळकर पुरस्कार प्रदान.

नगर ( प्रतिनिधी) :- स्व.पै. किसनराव डोंगरे बहुउद्देशीय संस्था व श्री नवनाथ युवा मंडळ व धर्मवीर ग्रामीण सार्वजनिक वाचनालय निमगाव वाघा यांच्या संयुक्त विद्यमाने आयोजित धर्मवीर संभाजी महाराज व पुण्यश्लोक अहिल्याबाई होळकर यांच्या जयंतीनिमित्त नगर तालुका पोलीस स्टेशनचे प्रभारी सहाय्यक पोलीस निरीक्षक शिशिरकुमार देशमुख धर्मवीर संभाजी महाराज व पुण्यश्लोक अहिल्याबाई होळकर पुरस्कार प्रदान करण्यात आला आहे.

याबाबत अधिक माहिती अशी कि, स्व.पै. किसनराव डोंगरे बहुउद्देशीय संस्था व श्री नवनाथ युवा मंडळ व धर्मवीर ग्रामीण सार्वजनिक वाचनालय निमगाव वाघा यांच्या संयुक्त विद्यमाने आयोजित धर्मवीर संभाजी महाराज व पुण्यश्लोक अहिल्याबाई होळकर यांच्या जयंतीनिमित्त जिल्हास्तरीय काव्यसंमेलन व होरपळ या पुस्तकाचे प्रकाशन श्री शिशिरकुमार देशमुख, सहाय्यक पोलीस निरीक्षक नगर तालुका पोलीस स्टेशन यांच्या हस्ते अमोलज्योत लॉन नगर- कल्याण रोड येथे संपन्न झाला. या कार्यक्रमाच्या निमित्त श्री शिशिरकुमार देशमुख सहाय्यक पोलीस निरीक्षक यांना त्यांनी केलेल्या विविध सामाजिक कार्याबद्दल त्यांना धर्मवीर संभाजी महाराज व पुण्यश्लोक अहिल्याबाई होळकर हा पुरस्कार प्रदान करण्यात आला आहे. याप्रसंगी सपोनी शिशिर कुमार देशमुख यांनी मनोगत व्यक्त करताना ग्रामीण भागातील युवकांनी जास्तीत जास्त साहित्याकडे व सामाजिक कार्याकडे वळावे व आपल्या ग्रामीण भागाची व मातृभूमीची सेवा करावी असे आव्हान याप्रसंगी केले.