HRS News Marathi

पुणे : शालेय शिक्षण विभागाने आयोजित केलेल्या दोन दिवसीय राज्यस्तरीय कार्यशाळेत विविध नावीन्यपूर्ण कल्पनांचे, विचारांचे सादरीकरण झाले आहे; त्याआधारे शिक्षण विभागाने विद्यार्थ्यांचे उज्ज्वल भवितव्य घडविण्यासाठी नवीन राष्ट्रीय शैक्षणिक धोरणाचा उत्कृष्ट मसुदा तयार करावा, असे निर्देश शालेय शिक्षण मंत्री दीपक केसरकर यांनी दिले.  लोणावळा येथील द ॲम्बी व्हॅली सिटी येथे शालेय शिक्षण विभागाच्यावतीने 'स्टार्स' व समग्र शिक्षा प्रकल्प, निपुण भारत, नवीन राष्ट्रीय शैक्षणिक धोरणांच्या प्रभावी अंमलबजावणीच्या अनुषंगाने विचार विनिमयासाठी आयोजित दोन दिवसीय कार्यशाळेच्या समारोप कार्यक्रमात ते बोलत होते. यावेळी शालेय शिक्षण विभागाचे प्रधान सचिव रणजित सिंह देओल, शिक्षण आयुक्त सूरज मांढरे, महाराष्ट्र प्राथमिक शिक्षण परिषदेचे राज्य प्रकल्प संचालक कैलास पगारे, राज्य शैक्षणिक संशोधन व प्रशिक्षण परिषदेचे संचालक कौस्तुभ दिवेगावकर आदी उपस्थित होते.     मंत्री श्री. केसरकर म्हणाले, या राज्यस्तरीय कार्यशाळेत सर्वच विभागांनी, महापालिका, जिल्हा परिषदांच्या शिक्षण विभागाने उत्कृष्टरित्या सादरीकरण केले आहे. नवीन

पुणे: जिल्हा नियोजन समितीच्या आणि सामाजिक उत्तरदायित्व निधीतून आरोग्य केंद्र आणि शाळांच्या पायाभूत सुविधा उभारण्यात येणार आहेत. जिल्ह्यातील आरोग्य सेवांचे बळकटीकरण करुन नागरिकांना उत्तम प्रकारे आरोग्य सुविधा पुरविण्यासाठी प्रयत्नशील असल्याचे पालकमंत्री चंद्रकांतदादा पाटील म्हणाले. पुणे जिल्हा परिषदेच्या शरदचंद्र पवार सभागृहात आयोजित उत्कृष्ट प्राथमिक आरोग्य केंद्रे, आशा स्वयंसेविका पुरस्कार आणि कायाकल्प बक्षीस वितरण सोहळ्याप्रसंगी पालकमंत्री श्री. पाटील बोलत होते. यावेळी राज्याचे सार्वजनिक आरोग्य मंत्री डॉ. तानाजी सावंत, मुख्य कार्यकारी अधिकारी आयुष प्रसाद, जिल्हा आरोग्य अधिकारी डॉ. रामचंद्र हंकारे, पुणे मनपाचे आरोग्य प्रमुख डॉ. भगवान पवार, जिल्हा शल्यचिकित्सक डॉ. नागनाथ यमपल्ले, जिल्हा नियोजन समिती सदस्य काळूराम नढे, शरद बुट्टे पाटील, माजी जिल्हा परिषद सदस्या अंकिता पाटील आदी उपस्थित होते. कोरोनाच्या काळात आरोग्य यंत्रणेने जीवाची पर्वा न करता निस्वार्थपणे सेवा देऊन संकटातून बाहेर काढले, असे गौरवोद्गार काढून पालकमंत्री श्री. पाटील म्हणाले, कोरोना संकटात सेवा बजावताना जिल्ह्यातील ३८ आरो

पुणे: सार्वजनिक बांधकाम विभागांतर्गत सुरू असलेल्या रस्ते, इमारत बांधकाम आदी कामांची त्या- त्या वेळची सद्यस्थिती जनतेला ऑनलाईन माध्यमातून पाहता येईल यासाठी संगणकीय प्रणालीमध्ये आवश्यक व्यवस्था लवकरात लवकर करावी, असे निर्देश राज्याचे सार्वजनिक बांधकाम (सार्वजनिक उपक्रम वगळून) मंत्री रवींद्र चव्हाण यांनी दिले. झालेल्या गुणवत्तापूर्ण आणि वैशिष्टपूर्ण कामांची माहिती जनतेला मिळाल्यास विभागाची चांगली प्रतिमा जनतेच्या मनात निर्माण होते, असेही मंत्री श्री. चव्हाण यावेळी म्हणाले.सार्वजनिक बांधकाम विभागांतर्गत पुणे प्रादेशिक विभागाची आढावा बैठक मंत्री रवींद्र चव्हाण यांच्या अध्यक्षतेखाली शासकीय विश्रामगृह येथे झाली. यावेळी सार्वजनिक बांधकाम विभागाचे सचिव (बांधकाम) संजय दशपुते, पुणे सा. बां. प्रादेशिक विभागाचे मुख्य अभियंता अतुल चव्हाण, पुणे मंडळाचे अधीक्षक अभियंता बी. एन. बहीर, सातारा मंडळाचे एस. बी. रोकडे, सोलापूर मंडळाचे एस. एस. माळी, दक्षता व गुण नियंत्रण मंडळ पुणेचे अधीक्षक अभियंता एस. एम. चिखलीकर, कोल्हापूर मंडळाचे प्रभारी अधीक्षक अभियंता एस. आर. पाटील आदी उपस्थित होते. यावेळी बांधकाम विभागा

पुणे : रास्त भाव दुकानातून ब्रॉडबॅण्ड सेवा उपलब्ध करुन देण्याच्या केंद्र शासनाच्या ‘प्रधानमंत्री वाय-फाय ॲक्सेस नेटवर्क इंटरफेस’ (पीएम-वाणी) उपक्रमात पुणे विभाग प्रथम क्रमांकावर असून ४ हजार ५०० दुकानांची कॉमन सर्व्हिस सेंटर सुविधेसाठी नोंदणी केली आहे. हे काम उत्कृष्ट असून असेच काम पुरवठा विभागामार्फत संपूर्ण राज्यभर व्हावे, अशी अपेक्षा अन्न व नागरी पुरवठा मंत्री रवींद्र चव्हाण यांनी व्यक्त केली. शासकीय विश्रामगृहात पुरवठा विभागांतर्गत पुणे प्रादेशिक विभागाच्या आढावा बैठकीत मंत्री श्री. चव्हाण बोलत होते. यावेळी अन्न व पुरवठा विभागाचे सहसचिव सतीश सुपे, पुरवठा उपायुक्त डॉ. त्रिगुण कुलकर्णी, वैधमापनशास्त्र विभागाच्या सहनियंत्रक सीमा वैद्य आदी उपस्थित होते. मंत्री श्री. चव्हाण म्हणाले, विभागाने ९२ टक्के आनंदाचा शिधा वाटप केला आहे, ही चांगली बाब आहे. आनंदाचा शिधा लवकरात लवकर १०० टक्के वाटप होईल यासाठी तातडीने कार्यवाही करावी. इष्टांकपूर्तीसाठी जिल्हा पुरवठा अधिकारी यांनी योजना तयार करुन गरजू व पात्र लाभार्थ्यांना लाभ मिळेल यावर लक्ष द्यावे, असे सांगून ई वितरण प्रणाली सुरु करण्यासाठी लागणारे

शिर्डी: - शेतकरी व कष्टकऱ्यांच्या प्रश्नांवर आंदोलकांशी सकारात्मक चर्चा करण्यात आली असून राज्यसरकार आजच्या बैठकीत घेण्यात आलेल्या निर्णयाची अंमलबजावणी करण्यासाठी बांधील आहे. अशी ग्वाही राज्याचे महसूल, पशुसंवर्धन व दुग्धव्यवसाय विकास मंत्री तथा जिल्ह्याचे पालकमंत्री राधाकृष्ण विखे-पाटील यांनी आज येथे दिली.  शेतकरी व असंघटित‌ कामगारांच्या विविध प्रश्नांसंदर्भात अखिल भारतीय किसान सभेच्या वतीने अकोले ते लोणी पर्यंत पायी मोर्चा काढण्यात आला‌ होता. या मोर्चात सहभागी लोकांच्या शिष्टमंडळासोबत आज संगमनेर प्रांताधिकारी कार्यालयात महसूलमंत्री तथा जिल्ह्याचे पालकमंत्री राधाकृष्ण विखे-पाटील यांच्या अध्यक्षतेखाली बैठक घेण्यात‌ आली.  यावेळी आदिवासी विकास मंत्री विजयकुमार गावित, कामगारमंत्री सुरेश खाडे, कामगार विभागाच्या प्रधान सचिव विनिता सिंघल, नाशिक विभागीय आयुक्त राधाकृष्ण गमे, अहमदनगर जिल्हाधिकारी सिध्दाराम सालीमठ, जिल्हा परिषदेचे मुख्य कार्यकारी अधिकारी आशिष येरेकर, जिल्हा अधीक्षक कृषी अधिकारी सुधाकर बोराळे,  संगमनेर प्रांताधिकारी डॉ.शशिकांत मंगरूळे, अखिल भारतीय किसान सभेचे राष्ट्रीय अध्यक्ष कॉम

 नगर :- तालुका कृषी उत्पन्न बाजार समिती मतदान शुक्रवार सकाळी आठ वाजेपासून सुरु झाले. यामधे सोसायटी मतदार संघ, ग्रामपंचायत मतदार संघ, हमाल मापाडी मतदार संघ सकाळच्या सत्रातील ११.३० वाजेपर्यंत मतदान  झाले आहे. याबाबत सविस्तर माहिती अशी कि, कृषी उत्पन्न बाजार समिती मतदान आज शुक्रवारी सकाळी आठ वाजे पासून सुरु झाले असून. पावसाने हजेरी लावल्यामुळे काही वेळ अडसर आला. परंतु त्यानंतर सुरळीत प्रक्रिया सुरू झाली. सकाळी साडे अकरा वाजेपर्यंत सोसायटी मतदार संघात ३५ टक्के  , ग्रामपंचायत मतदार संघात २५ टक्के तर हमाल मापाडी मतदार संघात १० टक्के मतदान झाले आहे.          तसेच भाजपची मतदारांना घेऊन येणारी बस थेट मतदान केंद्रावर आल्याने  भाजप व महाविकास आघाडीचे कार्यकर्ते समोरासमोर आले.दोन्ही गटाचे कार्यकर्ते समोरासमोर येऊन कार्यकर्त्यांमधे बाचाबाची झाली. परंतु तात्काळ पोलीसांच्या हस्तक्षेपानंतर परिस्थिती नियंत्रणात आली. नगर  कृषी उत्पन्न बाजार समिती मतदान सकाळच्या सत्रात झालेल्या मतदाना पेक्षा दुपार नंतर मोठया प्रमाणात मतदान होण्याची शक्यता वर्तवली जात आहे.

सा तारा : - प्लास्टिक हे आरोग्यासाठी नाही तर पर्यावरणासाठी ही हानिकारक आहे. त्यामुळे महाबळेश्वर पाचगणी ही गिरिस्थाने प्लास्टिक मुक्त करण्यासाठी उपाययोजना कराव्यात अशा सूचना मुख्यमंत्री एकनाथ शिंदे यांनी दिल्या.    सातारा जिल्ह्यातील महाबळेश्वर, पाचगणी व इतर परिसरातील पर्यटन विषयक विविध विभागांकडील प्रलंबित कामांचा आढावा बैठक राजभवन, महाबळेश्वर येथे संपन्न झाली. त्यावेळी मुख्यमंत्री श्री शिंदे बोलत होते.    यावेळी पालकमंत्री शंभूराज देसाई, खासदार श्रीकांत शिंदे, आमदार मकरंद पाटील, जिल्हाधिकारी रूचेश जयवंशी, मुख्य कार्यकारी अधिकारी ज्ञानेश्वर खिल्लारी, पोलीस अधीक्षक समीर शेख यांच्यासह विविध विभागाचे अधिकारी उपस्थित होते.    अस्तित्वात असलेले रस्ते दुरुस्तीसाठी वन विभागाने परवानगी विचारू नये अशा सूचना देऊन मुख्यमंत्री श्री. शिंदे म्हणाले, मंजूर केलेल्या कामांच्या लवकरात लवकर निविदा काढाव्यात, पार्किंगला शिस्त लावण्यासाठी उपाययोजना कराव्यात, त्यासाठी नगरपरिषदेने शंभर वाहतूक वॉर्डन पूर्वावेत, पाचगणी महाबळेश्वर रस्त्यावरील अतिक्रमणे हटवित, साबणे रस्त्याचे काम नियोजन प्रमाणे गटार ते गटार करण्

पुणे दि: -समाज कल्याण विभागामार्फत राबविण्यात येणाऱ्या डॉ. बाबासाहेब आंबेडकर स्वाधार योजनेचा लाभ लवकर मिळावा यासाठी विद्यार्थ्यांकडून होणारी मागणी  लक्षात घेऊन समाज कल्याण आयुक्त डॉ.प्रशांत नारनवरे यांच्या मार्गदर्शनाखाली समाज कल्याण विभागाने २४ तास काम करून १ हजार २३२ विद्यार्थ्यांचे अर्ज मंजूर केले आहेत. त्यामुळे शासनाकडून प्राप्त झालेल्या ५ कोटी रुपयांचा निधी विद्यार्थ्यांच्या खात्यात लवकरच जमा होणार आहे. यासाठीची देयके कोषागार कार्यालयात सादर करण्यात आली आहेत. गेले २४ तासांमध्ये १ हजार २३२ व त्याआधी १३६ असे १ हजार ३६८ विद्यार्थ्यांचे अर्ज मंजूर करण्यात आले आहेत. विद्यार्थ्यांची मागणी लक्षात घेता आयुक्त डॉ. प्रशांत नारनवरे  हे स्वतः रात्री उशिरापर्यंत सहाय्यक आयुक्त समाज कल्याण कार्यालय पुणे येथे उपस्थित होते. पुणे विभागाचे प्रादेशिक उपायुक्त बाळासाहेब सोळंकी यांच्या नियंत्रणाखाली पुणे विभागातील सहाय्यक आयुक्त पुणे, सातारा ,सोलापूर व जिल्हा समाज कल्याण अधिकारी पुणे कार्यालयातील अधिकारी कर्मचारी यांचे अर्ज तपासणीसाठी पथक तयार करण्यात आले होते. गेल्या २४ तासांमध्ये सुमारे ३ हजार अर्जा

  सातारा:- पर्यटन क्षेत्राच्या विकासासाठी पायाभूत सुविधांचा विकास महत्त्वाचा आहे. त्यासाठीच तापोळा आणि बामणोली परिसरातील रस्त्यांचा मोठ्या प्रमाणावर विकास करण्यात येत आहे. लवकरच कोकणाला पश्चिम महाराष्ट्राशी जोडणारा बामणोली - दरे पुलाचे काम सुरू होणार असल्याचे प्रतिपादन मुख्यमंत्री एकनाथ शिंदे यांनी केले.     तापोळा, ता. महाबळेश्वर येथे तापोळा - महाबळेश्वर रस्त्याचे मुख्यमंत्री श्री. शिंदे यांच्या हस्ते भूमिपूजन संपन्न झाले. यावेळी मुख्यमंत्री श्री. शिंदे बोलत होते. यावेळी व्यासपीठावर पालकमंत्री शंभूराज देसाई,  खासदार श्रीकांत शिंदे,  खासदार श्रीनिवास पाटील, आमदार मकरंद पाटील, जिल्हाधिकारी रूचेश जयवंशी, मुख्य कार्यकारी अधिकारी ज्ञानेश्वर खिल्लारी, पोलीस अधीक्षक समीर शेख, सार्वजनिक बांधकाम विभागाचे मुख्य अभियंता अतुल चव्हाण, अधीक्षक अभियंता संतोष रोकडे आदी उपस्थित होते.       तापोळा ते महाबळेश्वर रस्ता अरुंद असल्याने वाहनचालकांना अनेक अडचणी येत असल्याचे सांगून मुख्यमंत्री श्री. शिंदे म्हणाले, या अडचणीमुळे काही पर्यटक तापोळा भागात येणे टाळत होते. पण आता हा रस्ता रुंद आणि मजबूत करण्यात येत

             पुणे :- शेतकऱ्यांच्या उत्पन्नात वाढ होऊन तो समृद्ध आणि समाधानी होईल यासाठीच कृषि विभागाने आपल्या सर्व योजनांची प्रभावी अंमलबजावणी  करावी आणि यासाठी कालबद्ध कार्यक्रम ठरवावा  असे स्पष्ट निर्देश कृषी मंत्री अब्दुल सत्तार यांनी आज येथे दिले.             मध्यवर्ती इमारतीमधील कृषी आयुक्तालयाच्या राजमाता जिजाऊ सभागृहात आयोजित आढावा बैठकीत ते बोलत होते. यावेळी दूरदृष्य प्रणालीद्वारे राज्याचे कृषि सचिव एकनाथ डवले तर बैठकीत  आयुक्त कृषी सुनील चव्हाण, स्मार्टचे प्रकल्प संचालक कौस्तुभ दिवेगांवकर व इतर अधिकारी उपस्थित होते.              मंत्री श्री.सत्तार म्हणाले, शेतकऱ्यांना जी बियाणे पुरविण्यात येणार आहेत त्याबद्दलही जागरुक रहावे. उत्तमातील उत्तम बियाणे कसे मिळतील यादृष्टीने कार्यवाही करावी. राज्यातील चारही कृषी विद्यापिठांनी सातत्याने संशोधन करुन बियाणे निर्माण करावी. खाजगी बियाणे उत्पादक यांच्यासोबत बियाणांच्या बाबतीत निकोप स्पर्धा झाली तर निश्चितच त्याचा लाभ शेतकऱ्यांना होईल. तसेच आपल्या उत्तम संशोधनाचे कृषि विद्यापिठांनी योग्य ते मार्केटिंग करावे व  अधिकाधिक शेतकऱ्यांपर्यत त्याच

पुणे:- कृषि क्षेत्रामध्ये उत्कृष्ट कार्याबद्दल कृषि विभागामार्फत देण्यात येणाऱ्या पुरस्कारांसाठी शेतकरी, संस्था, गट आदींनी ३० जूनपर्यंत अर्ज करावेत, असे आवाहन राज्याचे कृ‍षि आयुक्त सुनील चव्हाण यांनी केले आहे. राज्य शासन कृषि विभागामार्फत राज्यात कृषि आणि संलग्न क्षेत्र तसेच फलोत्पादन क्षेत्रामध्ये उल्लेखनिय कार्य करणाऱ्या, कृषि उत्पादन आणि उत्पन्न वाढीकरिता योगदान देणाऱ्या शेतकऱ्यांचा तसेच कृषि विस्तारामध्ये बहुमोल कामगिरी करणाऱ्या व्यक्ती, संस्था, गट यांना विविध पुरस्कार देऊन गौरविण्यात येते. यामध्ये डॉ.पंजाबराव देशमुख कृषिरत्न पुरस्कार, वसंतराव नाईक कृषिभूषण, जिजामाता कृषिभूषण, सेंद्रीय शेती कृषिभूषण, उद्यानपंडीत, वसंतराव नाईक शेतीमित्र, वसंतराव नाईक शेतीनिष्ठ शेतकरी, युवा शेतकरी पुरस्कार व कृषि विभागामध्ये उल्लेखनीय कार्य करणाऱ्या अधिकारी, कर्मचारी यांना पद्मश्री डॉ. विठ्ठलराव विखे पाटील कृषि सेवारत्न पुरस्कार प्रदान करून सन्मानित करण्यात येते. कृषि विभागामार्फत २०२२ या वर्षासाठी कृषि पुरस्कारासाठी प्रस्ताव मागविण्यात येत आहेत. तरी जास्तीत जास्त शेतकरी गट, संस्था, व्यक्तींनी आपले प

  सो लापूर :- सोलापूर जिल्हा हा डाळिंब पिकाचे आगार असणारा जिल्हा आहे. भारतातून डाळिंब निर्यातीत या जिल्ह्याचा मोलाचा वाटा आहे. परंतु काही वर्षापासून प्रतिकूल नैसर्गिक बदलांमुळे, रोग व कीड प्रादुर्भावामुळे, तसेच निश्चित भाव नसल्याने डाळिंब लागवड कमी झाली आहे. या अनुषंगाने डाळिंब पीक उत्पादकांच्या अडचणी सोडवण्यासाठी डाळिंब पीक धोरण कार्यशाळा उपयोगी ठरेल. डाळिंबाचे कमी झालेले क्षेत्र वाढविण्यासाठी शासनामार्फत विविध उपक्रम राबविण्यासाठी प्रयत्नशील राहणार असल्याची ग्वाही राज्याचे सहकार व पणन विभागाचे अप्पर मुख्य सचिव तथा तथा मॅग्नेट सोसायटीचे अध्यक्ष अनुप कुमार यांनी व्यक्त केला. डाळिंब पिकाची लागवड वाढण्यासाठी महाराष्ट्र अॅग्रीबिझिनेस नेटवर्क (मॅग्नेट) प्रकल्पाच्या क्षमता विकास घटकांतर्गत आयोजित डाळिंब पीक धोरण कार्यशाळेच्या अध्यक्षस्थानावरून ते बोलत होते. शिवछत्रपती रंगभवन सभागृह येथे आयोजित या कार्यक्रमास मॅग्नेट प्रकल्पाचे अतिरीक्त प्रकल्प संचालक डॉ. अमोल यादव, विभागीय प्रकल्प उपसंचालक राजेंद्र महाजन, प्रकल्प उपसंचालक नितीन पाटील, जिल्हा उपनिबंधक किरण गायकवाड आदि मान्यवर व्यासपीठावर उपस

मुंबई:-  नैसर्गिक आपत्तीमुळे झालेल्या नुकसानीचे पंचनामे वेळेत व्हावेत, पंचनाम्याबद्दल शेतकऱ्यांच्या तक्रारी येऊ नयेत यासाठी येत्या जूनपासनू ई - पंचनामे करण्यात येणार असल्याचे मुख्यमंत्री एकनाथ शिंदे यांनी सांगितले. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थितीत सह्याद्री अतिथीगृह आज विभागीय आयुक्त व जिल्हाधिकारी यांची एक दिवसीय परिषद आयोजित करण्यात आली होती.   श्री. शिंदे म्हणाले की, येणाऱ्या काळात मानवी हस्तक्षेप टाळून माहिती तंत्रज्ञानाची मदत घेऊन मोबाईलद्वारे ई -पंचनामा करण्यात येणार आहे. यामुळे शेतकऱ्यांना पारदर्शक पध्दतीने आणि तातडीने मदत मिळावी याकरिता सर्वेक्षणासाठी उपग्रह आणि ड्रोनची मदत घेऊन संगणकीय प्रणाली वापरण्यात येणार आहे. प्रधानमंत्री कृषि सन्मान योजनेत राज्य शासनाच्या अनुदानाची भर घालणारी “नमो शेतकरी महासन्मान निधी” योजना आणण्यात आली आहे. तर प्रधानमंत्री पिक विमा योजनेत आता शेतकऱ्यांना केवळ 1 रुपया भरुन प्रधानमंत्री पीक विम्याच्या पोर्टलवर नोंदणी करता येणार आहे. गेल्या काही वर्षांपासून सतत होणारा हवामानबदल, अवकाळी, गारपीट आणि अवर्षण अशा असंख

अहमदनगर ( प्रतिनिधी) -अहमदनगर मधील वाडिया पार्क येथे आंतरराष्ट्रीय दर्जाचे क्रीडा संकुल उभारण्याच्या प्रस्तावास शासन मान्यता देईल. अशी ग्वाही राज्याचे उपमुख्यमंत्री देवेंद्र फडणवीस यांनी आज येथे दिली. महसूलमंत्री तथा जिल्ह्याचे पालकमंत्री राधाकृष्ण विखे-पाटील यांनी आपल्या भाषणात अहमदनगर येथे क्रीडा संकुल उभे रहावे. अशी अपेक्षा व्यक्त केली होती. या स्पर्धेतील ३५ लाख रूपये किंमतीची अर्धा किलोच्या सोन्याची गदा सोलापूरचे महेंद्र गायकवाड यांनी पटकावली.      वाडीया पार्क माळीवाडा जिल्हा क्रीडा‌ संकुल येथे छत्रपती शिवराय केसरी कुस्ती स्पर्धेचा पारितोषिक वितरण समारंभ उपमुख्यमंत्री देवेंद्र फडणवीस यांच्या हस्ते झाला. त्यावेळी श्री.फडणवीस बोलत होते‌. यावेळी व्यासपीठावर राज्याचे महसूल, पशुसंवर्धन, दूग्ध व्यवसाय विकासमंत्री तथा जिल्ह्याचे पालकमंत्री राधाकृष्ण विखे-पाटील, खासदार डॉ.सुजय विखे-पाटील, आमदार बबनराव पाचपुते, आमदार राम शिंदे,  जिल्हाधिकारी सिध्दाराम सालीमठ, मुख्य कार्यकारी अधिकारी आशिष येरेकर आदी मान्यवर तसेच कुस्ती पंच, विविध क्षेत्रातील पदाधिकारी व  जिल्हा तालीम संघाचे पदाधिकारी उपस्थि

नगर( प्रतिनिधी):- तालुक्यातील कामरगाव येथील प्रसिद्ध व जागृत देवस्थान कामक्षा माता यात्रोत्सवाची सुरुवात सोमवार  दि २४ एप्रिल रोजी मोठया उत्साहात झाली.         अहमदनगर जिल्ह्यातील कामरगाव  येथील कामक्षा माता देवस्थान हे जिल्ह्यातील प्रसिद्ध व जागृत देवस्थान मानले जाते. दि २४ एप्रिल पासून कामक्षा माता यात्रौत्सवाची सुरुवात झाली. यावेळी सालाबाद प्रमाणे कावड आणणाऱ्या  युवकांनी प्रवरा संगम व पैठण  येथून पवित्र जल पायी प्रवास करून आणले.  त्यानंतर  यात्रेच्या दिवशी सकाळी कावड मिरवणूक गावातून काढण्यात आली. या मिरवणूकीमधे पारंपारीक वादय ढोल, ताशा च्या, तालावर  गावातील ज्येष्ठ मंडळीसह तरुण मंडळीनी लेझीम खेळून पारंपारीक नृत्याचा आनंद घेतला.. तर आधुनिक वादय डिजेचा देखील मिरवणूकीत समावेश होता. डिजेच्या तालावर तरुणांनी ठेका धरला.       कामरगाव येथील कामक्षा माता यात्रौत्सवामधे  पारंपारीक व आधुनिक संस्कृतीचा संगम दिसून येतो. कावड मिरवणूकीनंतर युवकांनी पवित्र जल देवीला अर्पण केले.  यात्रेसाठी गावामधे मोठया प्रमाणात मिठाई खेळण्याच्या दुकानांची रेलचेल असते. यावेळी कामरगाव प्रवेश  द्वारा जवळ गावातील तरु

  प्रत्येकी एक हजार रुपये नोंदणी शुल्क व मुद्रांक शुल्काच्या बदल्यात शेतजमिनीची अदला बदल करण्याची सलोखा योजना राज्यात कार्यान्वित- मुद्रांक महानिरीक्षक हिरालाल सोनवणे पुणे, : नाममात्र १ हजार रुपये नोंदणी शुल्क आणि १ हजार रुपये मुद्रांक शुल्काच्या बदल्यात शेतकऱ्यांना आपल्या ताब्यातील शेतजमिनीची अदलाबदल करण्याची संधी देणारी ‘सलोखा योजना’ राज्यात कार्यान्वित करण्यात आली असून योजनेचा लाभ घ्यावा, असे आवाहन राज्याचे नोंदणी महानिरीक्षक व मुद्रांक नियंत्रक हिरालाल सोनवणे यांनी केले आहे. एका शेतकऱ्याच्या नावावरील शेतजमिनीचा ताबा दुसऱ्या शेतकऱ्याकडे व दुसऱ्या शेतकऱ्याच्या नावावरील शेतजमिनीचा ताबा पहिल्या शेतकऱ्याकडे असणाऱ्या शेतजमिन धारकांचे अदलाबदल दस्तांसाठी सवलत देणारी ही योजना राबविण्यात येत आहे. शेतजमिनीचा ताबा व वहिवाटीबाबत शेतकऱ्यांतील आपआपसांतील वाद मिटविण्यासाठी व समाजामध्ये सलोखा निर्माण होऊन एकमेकांमधील सौख्य व सौहार्द वाढीस लागण्यासाठी ही योजना उपयुक्त ठरणार आहे. ही योजना पुढील दोन वर्षासाठी लागू करण्यात आली आहे.  *योजनेच्या प्रमुख अटी व शर्तीत या योजनेत पहिल्या शेतकऱ्याच्या शेतजमिन

पुणे, : शेती व्यवसायाचा सन्मान म्हणून  सुरू करण्यात आलेल्या प्रधानमंत्री किसान सन्मान निधी योजनेंतर्गत राज्यातील १ कोटी १० लाख ३९ हजार शेतकऱ्यांना २३ हजार कोटी रुपये इतका लाभ देण्यात आला आहे, अशी माहिती योजनेचे अंमलबजावणी प्रमुख तथा कृषि आयुक्त सुनील चव्हाण यांनी दिली आहे.  या योजनेंतर्गत सर्व पात्र शेतकरी कुटुंबास म्हणजे पती, पत्नी व १८ वर्षांखालील अपत्यांना रुपये २ हजार प्रती हप्ता याप्रमाणे ३ हप्त्यात रुपये ६ हजार दरवर्षी लाभ त्यांच्या बँक खात्यात जमा करण्यात येतो. लाभार्थ्यांनी संबंधित तहसिलदार तथा तालुका नोडल अधिकाऱ्यांकडून भूमि अभिलेख नोंदी अद्ययावत करुन घ्याव्यात.  पीएम किसान पोर्टलवरील  http://pmkisan.gov.in  या लिंकच्या आधारे केवायसी पडताळणी करावी. या योजनेतील लाभार्थी नमो शेतकरी महासन्मान निधी योजनेसाठी देखील पात्र राहतील. उपमुख्यमंत्री महोदयांनी अर्थसंकल्पात जाहीर केल्याप्रमाणे या शेतकऱ्यांना सहा हजार रुपये अधिकचे मिळणार आहेत. त्यांच्या खात्यात एकूण ६ अधिक ६ असे१२ हजार रुपये जमा होतील, अशी माहितीदेखील श्री. चव्हाण यांनी दिली.      यात केंद्र शासनाकडून योजनेच्या एप्रि

      मुंबई, दि : महाराष्ट्र लोकसेवा आयोगामार्फत घेण्यात येणाऱ्या माहिती व जनसंपर्क महासंचालनालयाच्या आस्थापनेवरील विविध पदांच्या पदभरतीत पत्रकारिता पदव्युत्तर पदवी आणि  पदव्युत्तर पदविकाधारकांना संधी मिळणार आहे. नुकतेच महाराष्ट्र लोकसेवा आयोगाने शुद्धीपत्रक जारी करुन शैक्षणिक अर्हतेत पदव्युत्तर पदवी आणि पदव्युत्तर पदविका समाविष्ठ केल्या आहेत.     महासंचालनालयाच्या आस्थापनेवरील उपसंचालक (माहिती), वरिष्ठ सहायक संचालक (माहिती)/जिल्हा माहिती अधिकारी/वरिष्ठ उपसंपादक/जनसंपर्क अधिकारी आणि सहायक संचालक (माहिती)/अधिपरिक्षक पुस्तके व प्रकाशने/माहिती अधिकारी या संवर्गातील पदभरतीकरिता जाहिरात प्रसिद्ध करण्यात आली होती. या जाहिरातीला अनुसरुन शैक्षणिक अर्हतेच्या अनुषंगाने माहिती विभागाकडून पत्रकारिता पदविका आणि पदवीसह आता पदव्युत्तर पदवी आणि पदव्युत्तर पदविकाही समतूल्य शैक्षणिक अर्हता ग्राह्य समजण्यात येणार आहे. अर्हता प्राप्त उमेदवारांना अर्ज करण्याची संधी उपलब्ध करुन देण्यात येत असून अर्ज सादर करण्यासाठी महाराष्ट्र लोकसेवा आयोगाकडून मुदतवाढ देण्यात आली आहे. त्याप्रमाणे अर्ज सादर करण्याचा आणि ऑनला

 अहमदनगर ( प्रतिनिधी):- पोलीस निरीक्षक श्री. दिनकर एस. मुंडे यांना गुप्त बातमीदारा मार्फत बातमी मिळाली कि, बु-हाणनगर रोडवरील व्हीडीओकॉन कंपनी शेजारी रोड लगत एका पत्र्याचे शेडमध्ये एक इसम स्क्रीन वर बिंगो नावाचा हार जीतीचा जुगार लोकांकडून पैसे घेऊन खेळतो व खेळवितो आता गेल्यास मिळून येईल अशी खात्रीलायक बातमी मिळाल्याने श्री. दिनकर एस. मुंडे सो यांनी पोहेकाँ/760 अजय नारायण नगरे, पोना/2178 राहुल राजेंद्र द्वारके, पोना/1407 भानूदास गौतम खेडकर, पोना/308 गणेश शिवाजी साठे, पोकाँ/810 अमोल नवनाथ आव्हाड अशांना सदर ठिकाणी जावून कारवाई करणे कामी आदेश दिल्याने वरील पोलीस स्टाफ व पंच अशांनी सदर ठिकाणी जाऊन खात्री केली असता सदर ठिकाणी गणेश गोरख गाडेकर वय 39 वर्षे रा. नागेश्वर चौक, नागरदेवळे ता.जि. अहमदनगर हा लोकांकडून पैसे घेऊन बिंगो नावाचा हारजितीचा जुगार चालविताना मिळून आल्याने त्याचे ताब्यातून 11,760 /- रू किं बिंगो नावाचा जुगार चालविण्याच्या साहीत्यासह तसेच रोख रकमेसह ताब्यात घेऊन त्यांचे विरूद्ध भिंगार कॅम्प पोलीस स्टेशन ला गुन्हा दाखल करण्यात आला आहे. सदरची कारवाई मा. पोलीस अधिक्षक श्री. राकेश ओ

पु णे:- येत्या खरीप हंगामासाठी राज्यात खतांचा मुबलक साठा उपलब्ध असून शेतकऱ्यांनी माती तपासणी अहवालाप्रमाणे खतांचा समतोल वापर करावा, असे आवाहन कृषि आयुक्त सुनील चव्हाण यांनी केले आहे. सध्या राज्यात ५ लाख ३३ हजार मे.टन युरीया, २ लाख १५ हजार मे.टन डिएपी, २९ हजार मे.टन पोटॅश, ८ लाख ३९ हजार मे.टन संयुक्त खते आणि ५ लाख १५ हजार मे.टन सुपर फॉस्फेट असा एकूण २१ लाख ३१ हजार मे.टन खतांचा साठा उपलब्ध आहे.  यावर्षी १ एप्रिल २०२३ रोजी हा खत साठा राज्याच्या खरीप हंगामातील गरजेच्या जवळपास ५० टक्के आहे. त्याचबरोबर खरीप हंगामात राज्याला आणखी ४३ लाख १३ हजार मे.टन खत साठा उपलब्ध होणार आहे. शेतकऱ्यांकडून रासायनिक खतांची मागणी मृगाचा पाऊस पडल्यानंतरच वाढते. त्यामुळे खतांचे नियोजन एप्रिलपासून सुरु करण्यात आले असून राज्यात मुबलक प्रमाणात खत उपलब्ध राहील यासाठी कृषि विभाग दक्ष आहे, असेही कृषि आयुक्तांनी सांगितले आहे.            शेतकऱ्यांनी आपल्या पिकाला माती परीक्षण अहवालाप्रमाणे खताची मात्रा देणे आवश्यक आहे. प्रमाणापेक्षा अधिक खत दिले तर आपला खर्च तर वाढतोच परंतु पिकांना सुक्ष्म अन्नद्रव्यांची कमतरता भासून उत्

दि. 21/04/2023 रोजी सहा. पोलीस निरीक्षक श्री. दिनकर एस. मुंडे सो यांना गुप्त बातमीदारा मार्फत बातमी मिळाली कि, नगर सोलापुर रोड, कोंबडीवाला मळा, येथे झाडाखाली उघड्यावर काही लोक तिरट नावाचा हारजीतीचा जुगार खेळत आहे अशी बातमी मिळाल्याने श्री. दिनकर एस. मुंडे सो यांनी पोहेकाँ/760 ए एन नगरे, पोहेकाँ/2644 बी के दिवटे, पोना/2178 आर आर द्वारके, पोकाँ/ 810 ए.एन. आव्हाड अशांना सदर ठिकाणी जावून कारवाई करणे कामी आदेश दिल्याने वरील पोलीस स्टाफ व पंच अशांनी सदर ठिकाणी जाऊन खात्री केली असता सदर ठिकाणी 1. अजय रमेश नन्नवरे वय 50 वर्ष रा. कोंबडीवाला मळा, नगर सोलापुर रोड, ता. जि. अहमदनगर 2. भाऊसाहेब देवराम वाघुले वय 63 वर्ष रा.जिल्हा परीषद शाळेजवळ, नागरदेवळे ता. जि. अहमदनगर 3. पवित्रम नानू नायर वय 67 वर्ष रा. कॉबडीवाला मळा, नगर सोलापुर रोड, ता. जि. अहमदनगर 4. अशोक मोहन साबळे वय 36 वर्षे रा. कोंबडीवाला मळा, नगर सोलापुर रोड, ता. जि. अहमदनगर 5. राजु बबन गजभिव रा. कोंबडीवाला मळा, नगर सोलापुर रोड, ता. जि. अहमदनगर (फरार) असे तिरट नावाचा हारजितीचा जुगार खेळताना मिळून आले. त्यांचे ताब्यातून रोख रक्कम, मोबाईल, मो

  अहमदनगर प्रतिनिधी -   काहीही करा पण आम्हाला संसारासाठी मुलगी द्या, असे उद्गार अनेक विवाह इच्छुक उमेदवारांनी नगर मधील वधु वर मेळाव्यात काढले. मराठी सोयरीक संस्थेचा  67 वा मोफत वधु वर मेळावा नगर शहरात वृंदावन लॉन येथे पार पडला. या मेळाव्यासाठी जगदंब फाउंडेशनचे अध्यक्ष गणेश लंघे, मा.नगरसेवक दत्तात्रय सप्रे, अ. नगर जि. प्रा. शि. बँकेचे माजी चेअरमन राजेंद्रजी ठाणगे, मराठी सोयरीक संस्थेचे संस्थापक अशोक कुटे, प्राध्यापक संभाजीराव भोसले, अ.नगर जिल्हा कृषी कर्मचारी पतसंस्थेच्या संचालिका जयश्री कुटे, नगर भारतीय कामगार युनिटचे अध्यक्ष मधुकर निकम हे प्रमुख मान्यवर उपस्थित होते. या मेळाव्यामध्ये अनेक तरुणांना लग्नासाठी मुली मिळत नसल्याने अनेक जणांनी वरील प्रमाणे खंत व्यक्त केली. सध्या सर्व समाजामध्ये बीए पेक्षा कमी शिकलेल्या मुलांना व शेतकरी मुलांना अजिबात मुली मिळत नाही. या गंभीर प्रश्नाकडे फारसं कुणी लक्ष देत नाही भविष्यात हा विषय उग्र स्वरूप धारण करणार आहे, असे मत संस्थेच्या संचालिका जयश्री कुटे यांनी व्यक्त केले.         सर्व जातीयांचा मोफत हा वधू वर मेळावा होता. या मेळावा मध्ये एकूण 101 नाव

            अहमदनगर:- 22 एप्रिल रोजी अक्षयतृतीयेचा महत्त्वपूर्ण मुहूर्त असून या दिवशी मोठ्या प्रमाणात विवाह आयोजित केले जातात. जिल्ह्यात बालविवाह विरोधी मोहिम अधिक प्रभावी करत अक्षय तृतीयेच्या दिवशी बालविवाह होणार नाहीत यासाठी बाल संरक्षण समित्यांनी सतर्कता बाळगावी. ग्रामीण भागात बालविवाह प्रतिबंधक कायद्याच्या जनजागृतीसाठी रॅली, दवंडी यासारख्या माध्यमांचा उपयोग करून जनजागृती करण्याचे निर्देश जिल्हाधिकारी सिद्धराम सालीमठ यांनी दिले आहेत.             आपल्या आजूबाजूला, गावात बालविवाह होत असतील तर सुजाण नागरीकांनी संबंधित गावचे सरपंच, ग्रामसेवक, पोलिस पाटील, अंगणवाडी सेविका, स्थानिक पोलिस स्टेशन, संबंधित तालुक्यातील बाल विकास प्रकल्प अधिकारी यांना तसेच चाईल्ड लाईन क्रमांक 1098 वर संपर्क साधावा. असे आवाहन जिल्हाधिकारी सिध्दराम सालीमठ यांनी केले आहे.             जिल्हयातील सर्वच गावात ग्राम बाल संरक्षण समिती कार्यरत असून त्या समितीचे अध्यक्ष म्हणून सरपंच यांची नेमणुक करण्यात आलेली आहे. अठरा वर्षापेक्षा कमी वयाची मुलगी व एकवीस वर्षांपेक्षा कमी वयाचा मुलगा यांचा बालविवाह होणार नाही याची जबाबदा

मुंबई, : राज्यात गेल्या काही महिन्यांपासून आमच्या सरकारने विकासाच्या विविध प्रकल्पांना दिलेली गती लक्षात घेता नागरिकांच्या सोईचा महाराष्ट्र घडविण्याची वाटचाल सुरू आहे. स्थानिक स्वराज्य संस्थांमध्ये नियुक्त अधिकारी आणि कर्मचाऱ्यांनी शहरांबद्दल आस्था, जिव्हाळा ठेऊन काम करावे आणि आपल्या कारकीर्दीची छाप शहर विकासावर सोडावी, असे आवाहन मुख्यमंत्री एकनाथ शिंदे यांनी आज राज्यातील महापालिका आयुक्त, नगरपालिका, नगरपरिषदांचे मुख्याधिकारी यांना केले. येथील एनसीपीएच्या सभागृहात नगरविकास दिनानिमित्त झालेल्या सोहळ्यात मुख्यमंत्री बोलत होते. उपमुख्यमंत्री देवेंद्र फडणवीस, विधानसभा अध्यक्ष राहुल नार्वेकर, मुंबईचे पालकमंत्री दीपक केसरकर, मुख्य सचिव मनुकुमार श्रीवास्तव, मुंबई महापालिका आयुक्त आय. एस. चहल, नगरविकास विभागाचे अपर मुख्य सचिव भूषण गगराणी, प्रधान सचिव सोनिया सेठी यावेळी उपस्थित होते.  *पुरस्कारांच्या रकमेत भरघोस वाढ* मुख्यमंत्री श्री. शिंदे यावेळी म्हणाले, राज्यात नागरीकरण वेगाने होत आहे. त्यासाठी मुलभूत सोयीसुविधा पुरविण्याची जबाबदारी स्थानिक स्वराज्य संस्थांवर आहे. विविध योजना आणि उपक्रमांच्य

पारनेर (प्रतिनिधी):- पारनेर नगर विधानसभा मतदार संघाचे माजी आमदार विजय औटी आणि राष्ट्रवादी काँग्रेसचे विदयमान आमदार निलेश लंके हे आगामी पारनेर कृषी उत्पन्न् बाजार समितीच्या निवडणुकीसाठी एकत्र आले आहेत. आतापर्यंत पारनेरमध्ये महाविकास आघाडीचे चित्र हे अस्पष्ट होते. परंतु राष्ट्रवादीचे आमदार निलेश लंके व शिवसेनेचे माजी आमदार विजय औटी यांची दिलजमाई झाली असल्याचे समजते.. त्यामुळे आता पारनेर कृषी उत्पन्न बाजार समितीच्या निवडणुकीत भाजपविरोधात महाविकास आघाडी अशी लढत होणार असल्याचे चित्र स्पष्ट झाले आहे. पारनेर मतदार संघातील दोन्ही नेते हे ऐककाळी शिवसेनेत होते. परंतु विधानसभा निवडणुकी अगोदर लंके व औटी यांच्यात राजकीय वाद झाला. त्यामुळे लंके हे राष्ट्रवादीत गेले आणि पारनेर नगर मतदार संघाचे आमदार झाले. त्यानंतरच्या काळात दोन्ही नेत्यांमधील राजकीय संघर्ष सुरु होता. पारनेर नगरपालिकेत तो दिसून आला आहे. परंतु आता पारनेर कृषी उत्पन्न बाजार समिती निवडणुकीत राष्ट्रवादी-काँग्रेस, ठाकरे गटाचे औटी, भाजप असे तीन पॅनेल होण्याची शक्यता  होती.  परंतु आता पारनेरमध्ये महाविकास आघाडी घडून आलेली आहे. पारनेर कृषी उत

पुणे:- राज्यातील कारागृहावर आता ड्रोनची नजर ठेवली जाणार आहे. त्यामुळे कारागृह अंतर्गत सुरक्षितता आणि कैद्यांच्या हालचालीवर बारीक नजर ठेवण्यासाठी मदत होणार आहे. पहिल्या टप्प्यात १२ ठिकाणी ड्रोन द्वारे पेट्रोलिंग केले जाणार आहे.  अशी महिती मा.अपर पोलीस महासंचालक व महानिरीक्षक कारागृह व सुधार सेवा अमिताभ गुप्ता यांनी पत्रकार परिषदेत दिली. यावेळी कारागृह उपमहानिरीक्षक श्रीमती स्वाती साठे पश्चिम विभाग,कारागृह उपमहानिरीक्षक मुख्यालय श्री.सुनील ढमाळ ,येरवडा कारागृह अधीक्षक श्रीमती राणी भोसले ,प्राचार्य दौलतराव जाधव तुरूंग अधिकारी प्रशिक्षण महाविद्यालय येरवडा श्री.चंद्रमणी इंदुरकर इत्यादी वरिष्ठ अधिकारी उपस्थित होते. कारागृह सुरक्षा बळकटीकरण करण्यासाठी  ड्रोनद्वारे नजर ठेवण्यासाठी प्राधान्य देण्यात आले आहे. त्यानुसार १२ ड्रोन विविध कारागृहातील बारीक गोष्टींवर हालचाली टिपणार आहे. संबंधित ड्रोनद्वारे रात्रीच्या वेळीही चित्रीकरण करण्यात येणार आहे. विशेषतः कारागृहात होणाऱ्या घटना आणि कैद्यांची अपडेट मिळण्यास मदत होणार आहे. प्रायोगिक तत्त्वावर येरवडा मध्यवर्ती कारागृह, कोल्हापूर, नाशिक, संभाजीनगर,